تلمع نجوم الليل في سود الايـــــــــام
ونجمي سواد الليل قرر يعيــــــــــقه
ماعدت اشوف البدر في ليل الاحـلام
وماعدت افرق بين كذب وحقيقــــــه
اكره شعور يصدق عدوك وينـــــلام
واكره شعور يكذب فينا رفيــــــــــقه
شخص على وصلك تمنى ومــــا دام
جافي بوصلك لين جففت ريقــــــــــه
وان عاتبك تزعل وتبديه الاخصــــام
ياللي على وصلك مافي طريقــــــــه
وان ضاقت الدنيا تلاقيه قـــــــــــــدام
يوقف معك وقفه شقيق لشقيــــــــــقه
ما خاب فيه الظن على طول الاعــوام
مثل الذهب اصلي صافي بريقـــــــــه
وشخص رفض قربك يناديك خـــــدام
ترضي مطالبهم في كل ضيقـــــــــــه
توفيه بإخلاصك ويرميك باســــــــهام
حتى جروح القلب صارت عميـــــقه
وان جيت له تقسى القلب مــــــــا رام
راضي بجرحه لين اصبح يليقــــــــه
يتنفسك معروف ويجزيك ســــــــــقام
مثل الزفير اللي يعقب شهيــــــــــــقه
كلن عطه حقه على مثل ما هـــــــــام
وكثر العطا تبذير نفس ٍ عــــــــــريقه
ماعاش من يركض ورا شـــــي مادام
اعرف ثواني الوقت قبل الـــــــــدقيقه
مثل البحر وقتك قاسي وهـــــــــــــدام
قبطانه لو ماكنت فانـــــــته غــــــريقه
ميز نجوم الليل ان كـــان عــــــــــدام
وامشي مع نجم يعرف طـــــــــــريقه
الجمعة أكتوبر 10, 2008 12:25 pm
