المصافحة الاولى لقلوبكم الطاهرة

احبتي هنا في هذا المنتدى الشامخ بحضوركم
لقلوبكم الطاهرة اصافحكم بهذه المتواضعة علها
ترقي الى ذوقكم الراقي

طار الغطـا عـن محياهـا وبـان الشعـاع
عقب العشاء واحسب ان الشمس زيد اظهرت

شمس سطـع نورهـا لـو لبسوهـا قنـاع
وكل الاماكن اليا جتهـا اسفـرت وانـورت

ولو جت لنـاس مفرقهـم خـلاف ونـزاع
انحلـت المشكلـة لـو كـان هـي مـادرت

وتجمعـوا حولهـا لـو مايبـون اجتـمـاع
ونسيوا خلاف السنين الماضيـه لاحضـرت

لاسل سيف الجمال ايطيح سيـف الشجـاع
الله ياكثـر مـاهـي كـسـرت وجـبـرت

كل البشر لاجـل شوفتهـا عطاشـى جيـاع
ولو تبتسم خمرت اعقول البشـر وسكـرت

ولو حطت ايدينهـا علـى الكبـود الوجـاع
سلمت جميـع الجـروح الكامنـات وبـرت

عزمت بصالة زواج مـن الكبـار الوسـاع
وتحولـت كـل الاضـواء يمهـا وانـورت

وتوسع المجلـس ومـا كـان فيـه اتسـاع
كلٍ تخلـى المكـان الهـا وعنهـا انبـرت

يوم ارقصت والهب التصفيق صوت الايقـاع
وصدورهـن بالزغاريـد امتلـت وفجـرت

مـرت تشـق الصفـوف امودعتهـن وداع
تفوح الاجـواء بريحـة عطرهـا لاسـرت

ياربة الحسن انا اكثر خوفي مـن الضيـاع
إذا عـدد معجبينـك كـل يــوم كـثـرت

وانا الذي لاعطا اعطا فـوق مـا يستطـاع
محبـة فـي عروقـي مثـل دمـي جـرت

والخوف والوجد مقـرون باسـى والتيـاع
اكثر ما يطري على بالـي طـوارى طـرت

كلمات رائعة جدا انسة

سلمت اناملك وسلم هذا القلم الذهبيالمبدع

تحيتي لكي ولقلمك

» نبضات قلبي لقلوبكم