:: ذكريـاتـ شـابـ فلسطيني ::

.
.
ذكريـاتـ شـابـ فلسطيني يخبرهـا لصديقـة لـه..

::

ذكريات شاب فلسطيني:

كنت أتحدث مع صديق علمسنجر ... فقال :

بدي احكيلك قصة حصلت معي

كان عنا طفل يمكن عمرو 13 سنة

يوم دخلو الجيش على البلد

بلش يرجم عليهم حجار

هيدا الحكي السنه الماضية

انا كنت بالتوجيهي

وكان عليا امتحانات

حكتلي امي وين بدك تروح حكتلها فيه جيش بالبلد

يعني لازم اطلع

امي ترجتني لحتى ما اطلع وتحكيلي خليك ادرس

اطلعت غصب عنها

وهسا كنا نضرب على الجيش بلحجار

كنا كتار

بس لما الجيش بينزلو على الارض يعني مشاة

بيهربو الشباب لانو اغلبهم بكونو قناصه

كلهم هربو

ما ضل حد الا انا والشاب لصغير وكمان شب صاحب الي

لسا بحكيلو ارجع لساتك صغير بلاها لتنطخ

ما كملت كلامي

الرصاصة فلقت راسو فلق

بعديها كل الشباب اتجمعو

ما حد قدر يوصلو

فاهمة كيف ؟

ما حد قدر يوصل الوو

لانو الي بروح بدووو يسعفو بطخووو وبحطووو جنبو

كل الشباب تصرخ وما حد قدر يوصل الوو

هسا انا صرت ابكي

لانو الشاب عم ينزف وانا مو عارف شو اعمل

بتعرفي الحاويات ؟

كان الشاب قريب من وحده منهم وبينزف ؟ انا فتكرتو استشهد

بس بقوة الله وارادتو مسكت الحاويه وضليت ادفع فيها لحتى ما وصلتو

مسكت ايدو وحطيتو على كتفي

بس ما قدرت ارجع وانا ماسك الحاوية

والرصاص بزن بالحاوية زن

وانا عم اصرخ

بعدين رفعتوووو ومشيت ركاض

لحتى ما وصلت سووور وفزعو الشباب عليا

واخدو مني

كنت انا ملان بدمووو للشب

حتى ملابسي لهلا ما كبيتهم انا محتفظ فيهم

يا الله

تخيلي تحملي مخووو لواحد شب

على فكرة الشاب ما استشهد مع انو اصابتو خطرة

الحقناه لحوق

بس هلا صار عندوو شلل جزئي ما بيحكي ما بيشوف ما بيسمع كلو متوقف

كل ما بشوف الشاب بندم

وكل ما بشوف الجيش بأصر اكتر اني اقاومهم

لو مات احسن

كان فترتها عليا امتحانات والله يا إتحاد ما آكل ولا اشرب ولا انام ولا ادرس

ما اعمل شي

الشاب قعد بالمستشفى 3 شهور فاقد الوعي

بغيبوبة

زي موت سريري بس عاش بقدرة الله

اسألي عنوووووو كل أهل بلدنا بحكولك مين انقذوو

حتى اطلعو عليا لقب منقذ الشهداء

اسألي الي بدك اياه

وشوفي اني صادق بكل كلمة ولا لا

كمان حبيبك عن قريب أكيد راح يستشهد

لانو اكتر واحد مشاكس مع الجيش

في معوو سلاح بيعملوه الشباب هما بيصنعوو متل قنبلة بتعمل ضرر بس مو كبير وكمان مسدس بيطلق

النار من صنعو

حبيبك بضل ماسك المسدس ويطخطخ عليهم

يعني راح الله يبعتلو واحد من هالقناصه يروحو من الحياة

لو عندك وقت انشريها للقصة هاي

انا بحكيلك لحتى تهتمي بالشعب الفلسطيني

ومقاومته الباسله

على فكرة الشاب الي انطخ

اخر واحد شافووو بمخيلتو انا

لما رحت على المستشفى علية

ما ضحك مع حد غيري الا انا مع انو فاقد الذاكرة

وصار يرجف كمان

يوميتها اموو اكتر شي تشكرتني وابوه لاني كنت اجدع واحد وصل الووو

تاني يوم جابت اسرائيل على الراديو الاسرائيلي

عاجل : مقتل احد المخربين الفلسطينين في بيت فجار بحوزته سلاح

ما بيعرفو انو عمرو 13 سنة بالمدرسة

بس مع انو طفل بس كان ولد شئي ومشاكس

كان يروح على الميادين الاسرائيليه تاعت التدريب ويسرق كل الرصاص الي بتركووو وراهم

ويبيعووو للشباب الي معها سلاح

وفي نهاية القصة بقلك انو الماسنجر مراقب وانا رحت بخبر كان واخواتها

اقل شي بوكل 10 سنين سجن

ازا بتنزليها بالمنتدى يا ريت تسميها ( ذكريات شاب فلسطيني )

او قصة شاب فلسطيني

شو نسميها برأيك ؟

بس بتكتبي بأخرها قصة من الواقع الفلسطيني

مو من الخيال

.
.

ذكريـاتـ مؤثرة لا بل مؤلمـة..

مودتيـــ ,,,
ابو عاطف

فعلا ذكريات مؤلمة للغاية تسلمي أخي شاطئ الغرام علي طرحك

شكرا لالك اخت لؤلؤة القلوب ع المرور

دام تواصلك

أرض فلسطيـن لا تخلو من هؤلاء الأبطــال أبداً

موضوع بغايه الروعه والرقه

الله يحمي كل شباب فلسطين

ويشفي كل جريح

ويرأف بالاسرى

تقبل مروري أخي

يسلمووووووووو اخت ذكرى مشاركتك العطرة

دام تواصلك

يسلمو بلال كتير على هيك موضوع وعلى هيك كلمات مؤلمة

دمت للمنتدى وانشالله ما تحرمنا من كل رائع

وجديد لالك يسلموووو

تحياتي : ايمي king

[b]

يسلموووووووو أخى بلال على طرحك القيم

دوما مبدع فى اختيارك

مع الشكر

الفراشة البريئة

اسيرة الليل

شكرا لمشاركتما الطيب

دمتما بود

زائر

يسلمووووووووو بلال على هالموضوع الحلووو
دمت ذخرا للمنتدى
ادام الله كل شباب فلسطين
ساكن الوجدان

موضوع: شاطئي الغرام الخميس أغسطس 14, 2008 10:18 pm

الي شا
ئي الغرام بتشكرك كتير علي اهتمامك بقصت تلكه الشلب اوالطفل ويا ريت المزيد من ابداعك الرئع
ويارت تتقبل مرور مع خالص تحياتي
الحان الوطن والله يعطيك الف عافيه

المزيد

يسلمـــــــــــــــــــــــــــووووو كتير على الموضوع الرائع
تحياتي . . .

» اذا كنت فلسطيني فاسمع ما يقال عنك
» صرخة طفل فلسطيني لاجئ .........
» فلسطيني ممنوع تعيش
» يوميات طفل فلسطيني...ما تستغربوش ادخلو وشوفو ..
» شاب فلسطيني كفيف يستعيد بصره بمعجزة ليلة القدر في مسجد بخانيونس